Corsic´armes

Mer händ ois nöd guet kännt, ich binem mängisch begägnet
Inere Pariser Bar, zwei Schritt vo mir dehei
Mer händ bis spat z´Nacht e paar Gläser trunke
Isch das de Wäg gsi zum Fründe werde?

Er hät mer sini Erde, sis Volk, sis Land erchlärt
Ich ha still zueglost, grüert

Hät gredt vo Ajaccio, vo Calvi, vo Bastia
Vo notorisch Korrupte, vo Gwählte, vo Mafias
Und vo Vermummte wo sich im Wald versammlet
Zum d´Juschtiz und de huere Staat usezfordere

Ich wo immer all Robin Hoods gern gha ha
Die ufsässige Völker, das hani gliebt...

Hät amene Abig bi de Rebellegruppe uf sich ziele la
Hät sich verschüsse la, warum? Und vo welem Find?
Hät er zersch au tödt zum au tödt z´werde
Isch er en Rebell gsi, isch er en Bandit gsi?

Du fählsch mir hüt z´Abig und ich red vo dir
Zu dinere herzige Fründin wo näbe mir briegget
D´Wort, wo si nöd seit, das isch s´Gsetz vo de Omerta
Vo dem Land wo n ich liebe wänn´s frei läbt, erblüet
Wiit wäg vom Lärm, vo de Gwehr ihrne Wuet...