I dim Handtäschli
(Dans ton sac)

Wo n ich d´Autoschlüssel gsuecht han
Han ich wienen Lump
I dim Handtäschli gwüehlt
Han es riese Puff gmacht
Ich han alles durenand bracht
I dim Grümpel
Das isch nöd sehr elegant
Es glicht emene schlächte Plan
Emene Betrug
Ich ha wele dini Gheimnis känelerne
Und s´Risiko vo
Es paar Ohrfige uf mich näh

Ich ha Schätz entdeckt
Wo gmacht händ
Dasi di nochli meh liebe
Ich bi erstuunt
Voreme schöne Heft
Busbillet gstande

Es Nastuech, schön gfaltet
Wo dich nie gseh hät briegge
Oder ganz wenig
Vilicht bini so en schlächte Kerli
Dasi dis Herz vertröchnet ha
Und dini Auge

Ich ha der es Stimorol klaut
S hät en alte Gschmack nach Petrol
Aber s´isch good
Ich ha das gern die blaue Zältli
Das löst s´Grüen ab
Vo Hollywood

Und ich ha dini Zigis nöd aglanget
Dini Rothmans boykottieri
Strängschtens
De südafrikanischi Tabak
Verdräckt au d´Händ
Ich begrif mich

Bim umestöbere
I dim wunderbare Puff
Hani gfunde
Mit ere Bürochlammere feschtgmacht
E chlini Charte, es Telefon
Anegchriblet


Ich ha wele alüte zum gseh
Ob ich en grosse Schwarze atriffe
Bodybuilder
Ich ha mi nöd traut
Ich ha Angscht gha
Dasi din Coiffeur störe
Din Zahnarzt

Aso, dir isch nöd langwiilig
Du bischs wo das Föteli hät
Ich has uu gern
S´isch di einzig woni vo ois drü han
Und vom Hund wo mir ghört hät
Aber wo gschtorbe isch

Ich ha si lang sueche chöne
Under dim Paar Händsche versteckt
Zmitzt i
Dim Schminkzüg,
dinere Muschelsammlig
super

Dini Filofax-Agenda
Hät sicher uu vill kchoschtet
Ich lache drüber
Dini Kollegine händ all di gliich
Aber si isch trotzdem schön
Ehrewort

Da isch din schöne goldige Fülli
D´Marke "Reviens", ich känn en
Und dänn nöd wiit
E wiissi Muus, verlegt
Für die freie Liebeswuche
Tin tin tin

I de Dame ihrne Säck z´wüehle isch wüescht
Wänn d´wetsch luegsch mini Hosesäck a
Zum dich z´räche
Aber findsch fasch nüt
Meischtens häts nur mini Füüscht
Guet ballt

Wänn ich s ufmache
Won ich für dich scho immer gha ha
Wo furtflüügt
Drum han ich´s schön zue
So bhalti au d´Schlüssel
Vom Auto