S´Sächseck
(Hexagone)
(Tegscht und Musig: Renaud Séchan)

Si umarmed sich im Januar
Will es neus Jahr afangt
Aber sit Ewigkeite
Hät sich Frankrich nöd gross veränderet
D´Wuche und Täg vergönd
Nur s Dekor entwicklet sich
D´Mentalität isch di gliich
Alli scheusslich, alli falsch.

Si sind nöd vill, im Februar,
wo sich a Charonne erinnered,
vereidigti Schleger
wo ihres Bedürfnis usfüered
Frankrich isch s Land vo de Polizischte
a jedem Egge häts hundert
zum di öffentlichi Ornig durezsetze
mordeds ungstraft.

Wämmer im März
uf de andere Site vo de Pyrenäe
en baskische Anarchischt exekutiert
zum ihn z´lehre, sich z widersetze
schreieds, brüeleds und entsetzed sichs
über di schändlich Tötig
aber si vergässed
dass d´Guillotine bi eus immer no
in Betrieb isch.

Under em Zeiche vom Sächseck gebore worde z´sii
Isch nöd s Beschte womer im Momänt cha mache
Und de König vo de Arschlöcher uf sim Thron
Ich wette nöd daser en Düütsche isch.

Im April hät mer ihne gseit
si seled sich nöd z fescht iipacke
de Früelig chämi bald
die alte Prinzipie usem sächzähte Jahrhundert
und di blöde alte Traditione
si wändet si wortwörtlich a
die Tuble tüend mer leid.

Im Mai erinnered si sich
anes Bluet wo rot und schwarz gloffe isch
ane verfählti Revolution
wo fascht d´Gschicht gänderet het
ich erinnere mi vor allem a d Schaf
vo de Freiheit verschreckt
zu Millione zu de Wahle gange
für d´Ornig und d´Sicherheit.

Im Juni gedänkeds
ere Landig i de Normandie
si dänked an tapfere Ami-Soldat
wo cho isch zum wiit vo ihm dehei z´sterbe
si vergässed, dass under de Bombe
d´Franzose gschroue händ "Höch de Pétain!"
dass z´London guet versteckt gsi sind
dass es nöd vill Jean Moulin gha hät.

Underem Zeiche vom Sächseck gebore worde z´sii
isch nöd würkli en Ehr
und de König vo de Arschlöcher uf sim Thron,
ich glaub nöd, das er Portugies isch.

Im Juli gits es Fäscht
Zur Erinnerig ane Revolution
wo nie
s Elend und d´Usnützig usgrottet hät
si freued sich a Bäll,
Füürwerk und Musig
und wänd im Bier vergässe
dass s´wie Idiote regiert werded

Im Auguscht git´s d´Freiheit
nacheme lange Monet i de Fabrik
sie schreied: "Höch di zahlte Frei!"
si vergässed echli d Maschine
in Spanie, Griecheland oder Frankriich
si verschmutzed d´Stränd
und nume dur ihres Dasii
alli Landschafte zerstöre.

Wämmer im Septämber
es Volk und e Freiheit ermordet
im Herz vo Latiinamerika
gits nöd vill vo schimpfed
en Botschafter chunnt zrugg
wird mit offene Arme empfange
de Faschismus isch d´Gangräne
z´Santiago wi z´Paris

Under em Zeiche vom Sächseck gebore worde z´sii
Isch würkli e kei liechti Ufgab
Und de König vo de Arschlöcher uf sim Thron,
er isch Franzos, ich bi sicher.

Wänn d´Wiläsi fertig isch im Oktober
gäred d´Truube i Fässer
si sind sehr stolz uf ihri Wiiberg
ihren Côtes-du-Rhône und ihren Bordeaux
si exportiered s Bluet vo de Erde
echli überall i s Usland
ihrem Wii und ihren Camembert
das isch ihri einzig Ehr

Im Novämber, am Autosalon
chömeds zu tuusige
de neuschti Peugeot go bewundere
wo si sich nie werded leischte chöne
de Chare, d´Chischte, d´Zahlige
das isch s Opium vom französische Volk
ihm das z´verbüüte würs töte
s´isch e Gwöhnigsdroge.

Im Dezämber isch´s de Höhepunkt
S grosse Frässe und di chliine Gschänkli
Si sind immer gliich verdrosse
Aber i de Ghettos gits Freud
D´Erde chan ufhöre, sich z´dräie
Si werded ihres Fäschtässe nöd verpasse
Ich möcht si alli krepiere gseh
A Truthahn mit Marroni erschtickt

Under em Zeiche vom Sächseck gebore worde z´sii
Mer cha nöd säge das das verbindend isch
Wänn de König vo de Arschlöcher sin Thron verlüüre würd
Gäb´s 50 Millione Prätendante