Lied für de Pierrot
(Chanson pour Pierrot)

Bisch nöd uf de Strass gebore
Bisch nöd im Bach gebore
Bisch e keis verlohres Chind
Nöd en Sohn vomene Lump
Will d´i mim Chopf entstande bisch
Und i minere Huut wohnsch
Hani din Planet
I mim Hirni baut

Pierrot, min Goof, min Brüeder, min Fründ
Min Koleg, du gisch mer warm
Pierrot.

Sit ich vo dir träume
Sit ich dich erfinde
Ich stirb will ich dich nöd gseh
Und ich gspür di i mim Buuch.
Am Tag wo du uftauchsch
Höri uf z´trinke: versproche.
Mindeschtens e Wuche
S´wird schwirig, aber macht nüt.

Pierrot, min Goof, min Brüeder, min Fründ
Min Koleg, du gisch mer warm
Pierrot.

Ob du Sohn vonere Prinzessin bisch
Oder Sohn vo nüt
Du wirsch Sohn vo de Zärtlichkeit si
Du wirsch nöd Waise si
Aber ich känn dini Mueter nöd
Ich suech si umesuscht
Ich känne nume s´Eländ
Ganz elei ufem Wäg z´si.

Pierrot, min Goof, min Brüeder, min Fründ,
min Koleg du gisch mer warm
Pierrot.

Imene Egge vo mim Chopf
Gits scho dini Usstattig:
Es Paar Jeans, es Töffli
Es Paar Cowboystiefel
Du wirsch nöd i d Schuel ga
Ich wird dich wüescht Wörtli lehre
Mer werded tschute
Und i d´Beiz gah.

Pierrot, min Goof, min Brüeder, min Fründ
Min Koleg du gisch mer warm
Pierrot.

Du wirsch der d´Pfote nöd wäsche
Vorem Ässe
Und du wirsch säge ich seg en Süüfer
Wänn ich dir din Thek chlaue
Ich wird der Lieder biibringe
Du wirsch si blöd finde
Vilicht wirsch Rächt ha
Aber ich wird trotzdem beleidigt si

Pierrot, min Goof, min Brüeder, min Fründ
Min Koleg, du gisch mer warm
Pierrot.

Aso chum min Pierrot
Du wirsch de Chef vo minere Bandi
Ich gib der mis Mässer
Ich bring der d´Gaunerei bi
Aso chum min Koleg
Ich ha der es Mami gfunde
Z´dritt wird's schön si
Aso chum, ich warte uf dich

Pierrot, min Goof, min Brüeder, min Fründ
Min Koleg, du gisch mer warm
Pierrot.