Adieu ch'terril d'rimbert  

(Guy Dubois/Simons Colliez)
Intro:
[A] [A] [D] [D]
[A] [A] [D] [D]

T'étos là c[D]omme einne montagne bien à pl[D7M/C#]ache
Té faisos part[D6/B]ie ed'nou pays[Em]ache
Qui d'nou pères i aurot pinsé que ch'terr[A]il
Par un bieau j[A7]our i strot évano[D]ui
Bin mes pauves gins i faudra bien s'y f[D7M/C#]aire
Y'a dispar[D6/B]u min viux terril d'Rimb[G]ert
Bin mes pauves gins i faudra bien s'y f[D]aire
Y'a dispar[A]u min viux terril d'Rimb[D]ert

Quand j'étos gosse ej' grimpos sur tin dos
Si y avot pas d'garte vite in s'faufilot
Parmi chés rals chés aiguillaches chés bos
Et tout l'fourbi qui traînot sus ch'carreau
Et in grimpot tout in haut dins l'poussière
Y'a disparu min viux terril d'Rimbert
Et in grimpot tout in haut dins l'poussière
Y'a disparu min viux terril d'Rimbert

T'étos un tém[A]oin d'l'ouvrache ed' nou p[D]ères
Qui ont ouvr[A]é tout leu vie ed'sous l'te[D]rre
Pour t'construire y[G] a fallu plus d 'cent vingt [D]ans
Et ravise in[A] n'parle plus d'ti in rien d't[D]emps
T'es parti r[G]ogné par chés bull-doz[D]ers
J 'te dis adi[A]eu min viux terril d'Rimbe[D]rt

[A] [A] [D] [D]
[A] [A] [D] [D]

J'restos juste in face quand j'n'étos qu'un jonne
l'ravisos monter déchint' el'crinquonne
Chés berlines s'croisottent toudis à l'même plache
Et tout l'journée faire leu remue-ménache
Pour aller baller in haut l'mécante terre
Et dire qu'i est parti min terril d'Rimbert
Pour aller baller in haut l'mécante terre
Et dire qu'i est parti min terril d'Rimbert

J'souris quand même parce que j'pinse à quitte cosse
Tous chés gins qui s'sont fait mourir à l'fosse
In' s' doutottent pas in armontant ch' carbon
Que l'terre servirot à leu tits garchons
I n' in frottent einne tête nou arrières grands 'pères
Ed'vir qu'i n'existe pus ch'terril d'Rimbert
I n'in frottent einne tête nou arrières grands'pères
Ed'vir qu'i n'existe pus ch'terril d'Rimbert

Refrain

Chés éfants et pitits éfants d'mineurs
I veul'nt du schiste dins n'allées d'leu demeure
Quand i partent in vacances sur l'autoroute
Je n'cros pas qui n'a bien gramint qui s'doutent
Que l'montagne aile est sous chés reulles à terre
Ch'est là qu't'es parti min terril d'Rimbert
Que l'montagne aile est sous chés reulles à terre
Ch'est là qu't'es parti min terril d'Rimbert

Refrain

[A] [D] [A] [D]

T'es parti r[G]ogné par chés bull-doz[D]ers
J 'te dis adi[A]eu min viux terril d'Rimbe[D]rt